Saaho: ‘సాహో’ సెన్సార్ టాక్: టెన్షన్ పెడుతున్న రన్ టైం.. ఫ్యాన్స్‌లో హై వోల్టేజ్

0
2


అసలే బాహుబలి ప్రభాస్.. ఆపై రూ.350 కోట్ల బడ్జెట్.. ప్రపంచ స్థాయి టెక్నీషియన్స్.. బాలీవుడ్ స్టార్ హీరోయిన్‌తో జోడీ ఇవి చాలవా ‘సాహో’ చిత్రంపై అభిమానులు ఎందుకు భారీగా హోప్స్ పెట్టుకున్నారో చెప్పడానికి.

బాహుబలి చిత్రంతో ఇంటర్నేషనల్ స్టార్‌గా మారిన ప్రభాస్ ‘సాహో’ చిత్రం ఆగస్టు 30 ప్రేక్షకుల ముందుకు రానుంది. తెలుగు, తమిళ, కన్నడ, మలయాళ, హిందీ భాషల్లో ప్యాన్ ఇండియా చిత్రంగా ప్రపంచ వ్యాప్తంగా విడుదలౌతున్న ఈ చిత్రం కోసం ప్రభాస్ ఫ్యాన్స్‌తో పాటు మూవీ లవర్స్‌ కూడా ఎంతో ఆసక్తితో ఎదురుచూస్తున్నారు.

ప్రధాన నగరాలన్నింటినీ చుట్టొస్తున్న ప్రభాస్
ప్రమోషన్స్‌లో బిజీగా ఉన్నారు. ఇక ఈ మూవీ విడుదలలో భాగంగా నేడు సెన్సార్ నుండి క్లియరెన్స్ తెచ్చుకుని యు/ఏ సర్టిఫికేట్ అందుకుంది సాహో. సెన్సార్ క్లియరెన్స్ వస్తేనే తప్ప అడ్వాన్స్ బుకింగ్స్ చేసుకునే అవకాశం లేకపోవడంతో ప్రభాస్ ఫ్యాన్స్ ఈ సెన్సార్ విషయాలో చాలా టెన్షన్ పడ్డారు. ఇక నేడు సెన్సార్ నుండి క్లియరెన్స్ వచ్చేయడంతో అడ్వాన్స్ బుక్కింగ్ కోసం ఎగబడుతున్నారు ప్రభాస్ ఫ్యాన్స్.

సాహో.. చాలా పెద్ద సినిమానే
ఈ చిత్రంలో భారీ యాక్షన్ సన్నివేశాలే కాదు.. భారీ రన్ టైం కూడా ఉంది. ఈ చిత్రం నిడివి 171. 52 నిమిషాలు కావడంతో దాదాపు మూడు గంటల పాటు విజువల్ ట్రీట్ ఇవ్వబోతున్నారు సాహో. యాక్షన్ థ్రిల్లర్ చిత్రాలను నిడివి చాలా వరకూ తక్కువగానే ఉంటుంది. అయితే ‘సాహో’ చిత్రం మూడు గంటల నిడివితో విడుదల చేస్తుండటం పెద్ద సాహసమే చేస్తున్నారు.

సెన్సార్ టాక్ ఇదీ..
భారీ బడ్జెట్‌తో తెరకెక్కిన ఈ చిత్రం ప్రేక్షకులకు విజువల్ ట్రీట్ ఇవ్వడం ఖాయమే అంటున్నారు. ఈ చిత్రంలో ప్రభాస్ పాత్రతో వచ్చే ట్విస్ట్ హైలైట్ అని.. అబూదబీ యాక్షన్ ఎపిసోడ్స్ సినిమాకే హైలైట్స్ అంటున్నారు. క్లైమాక్స్‌లో వచ్చే ఎనిమిది నిమిషాల యాక్షన్ సీక్వెన్స్ రోమాలు నిక్కబొడుకునేలా ఉంటాయని.. హాలీవుడ్ యాక్షన్ చిత్రాలను తలపించే హై టెక్నికల్ వాల్యూస్‌‌తో హై వోల్టేజ్ క్రియేట్ చేయడం ఖాయమే అనేది సెన్సార్ నుండి వస్తున్న టాక్.

‘రన్ రాజా రన్’ చిత్రంతో దర్శకుడిగా పరిచయమైన సుజీత్ ఈ చిత్రానికి దర్శకత్వం వహించారు. యూవీ క్రియేషన్స్ బ్యానర్‌పై వంశీ, ప్రమోద్, విక్రమ్‌లు ఈ సినిమాను నిర్మిస్తున్నారు. జిబ్రాన్ నేపథ్య సంగీతం అందించారు. జాకీష్రాఫ్, నీల్ నితిన్ ముఖేష్‌, అరుణ్ విజ‌య్‌, లాల్‌, వెన్నెల కిషోర్‌, ప్రకాష్ బెల్వాది, ఎవిలిన్ శ‌ర్మ, చుంకి పాండే, మందిరా బేడి, మ‌హేష్ మంజ్రేకర్‌, టిను ఆనంద్‌, శ‌ర‌త్ లోహిత‌ష్వా తదితరులు ‘సాహో’ చిత్రంలో నటించారు.



Source link

LEAVE A REPLY

Please enter your comment!
Please enter your name here