Sampoornesh Babu: సంపూ కాళ్లపై పడ్డ అభిమాని.. డ్రామాతో దేవరకొండకు దించేశాడట!

0
3


సినిమా వేడుకల్లో స్టేజ్ మీద హీరో మాట్లాడుతుంటే.. జనంలో నుండి ఒక అభిమాని సడెన్‌గా ప్రత్యక్షం అవుతాడు. వెంటనే హీరోని గట్టిగా పట్టుకోవడమో.. లేక కాళ్లపై పడిపోవడమో.. చేస్తాడు. వెంటనే బౌన్సర్స్ వచ్చి ఆ వెర్రి, పిచ్చి అభిమానికి కిందకి తీసుకునిపోతారు. ఈలోగా స్టేజ్ మీద ఉన్న హీరో.. ఏయ్!! అతన్ని కొట్టుద్దు.. ఏం చేయొద్దు.. వాడు నా ఫ్యాన్ అని సినిమా డైలాగ్ చెప్తాడు. ఇక హీరోకి మరీ ఫ్యాన్ అంటే ప్రేమ ఎక్కువైపోతే.. ఎవరైతే కాళ్ల పడ్డాడో అతన్ని స్టేజ్ మీదికి పిలిచి ఓ సెల్ఫీ ఇచ్చి గుండెలకు హత్తుకుని పంపించేస్తారు.

సీన్ కట్ చేస్తే.. ఆ సీన్ చూసిన ఆడియన్స్ కళ్లలో ఆనందం.. మిగిలిన ఫ్యాన్స్ కళ్లలో కన్నీళ్లు.. యూట్యూబ్‌లో వెరైటీ వెరైటీ థంబ్ నైల్స్.. ఫుల్ పబ్లిసిటీ. తరచూ ఇలాంటి సీన్‌లు పెద్ద హీరోలకు సినిమాలకు కనిపిస్తూనే ఉంటాయి. పవన్ కళ్యాణ్, మహేష్ బాబు, ఎన్టీఆర్, అల్లు అర్జున్ సినిమాలకు రీసెంట్ విజయ్ దేవరకొండ ‘డియర్ కామ్రేడ్’ ఆడియో ఫంక్షన్‌లోనూ ఇలాంటి సీన్‌లు కనిపించాయి.

అయితే గతరాత్రి సంపూర్ణేష్ బాబు నటించిన ‘కొబ్బరిమట్ట’ మూవీ ప్రీ రిలీజ్ వేడుక జరిగింది. సంపూర్ణేష్ బాబు మాట్లాడుతుండగా.. ఓ పిచ్చి అభిమాని స్టేజ్ మీదికి దూసుకుని వచ్చి సంపూ కాళ్లపై పడ్డాడు. వెంటనే బౌన్సర్లు రావడం అతన్ని కిందికి తోసుకుంటూ పోవడం.. మిగిలినదంతా ముందు చెప్పిన కథలోని స్క్రీన్ ప్లేలా జరిగింది.

అయితే సంపూర్ణేష్ బాబు స్పీచ్ ముగించిన తరువాత పక్కనే ఉన్న నిర్మాత సాయి రాజేష్.. ‘నీ కాళ్లపై పడ్డ అభిమానిని స్టేజ్ మీదికి పిలువు’ అని చెవిలో చెప్పడంతో ఆ ఫ్యాన్‌ని స్టేజ్ మీదికి పిలిచి ఓ సెల్ఫీ ఇచ్చాడు సంపూర్ణేష్ బాబు. అనంతరం ‘నువ్ నా కాళ్లపై ఎందుకు పడ్డావ్’ అని సంపూర్ణేష్ బాబు అడగడంతో.. ‘నేనెక్కడ పడ్డా.. ప్రొడ్యుసర్ పడమన్నాడు పడ్డా.. జస్ట్ అంతే’.. అని స్టేజ్ మీదే గాలి తీసేశాడు నిర్మాత సెట్ చేసిన ఫ్యాన్. మొత్తానికి పబ్లిసిటీ కోసం మరీ ఇంత దిగజారాలా? అని కొందరు అంటుంటే.. సంపూర్ణేష్ బాబు కాళ్లపై పడ్డ అభిమాని అన్నప్పుడే ఇదేదో సెట్ చేసి బాపతులా ఉందే అని డౌట్ వచ్చింది.. ఇప్పుడు అదే నిజమైందని మరికొంత మంది ముక్కున వేలేసుకుంటున్నారు.

అయితే ఇదంతా కావాలనే చేశారు.. ఎవరికి దించాలో వారికి దించేశాడు సంపూర్ణేష్ బాబు. కొంతమంది హీరోలు ఆడియో ఫంక్షన్లలో చేసే ఓవరాక్షన్‌ని ఇలా బహిర్గం చేశాడు. ముఖ్యంగా విజయ్ దేవరకొండకు గట్టిగా దించేశాడు బర్నింగ్ స్టార్… నువ్ తోపెహే అంటూ కామెంట్స్ చేస్తున్నారు.



Source link

LEAVE A REPLY

Please enter your comment!
Please enter your name here