Sye Raa సర్ ప్రైజ్: చిరు, రామ్ చరణ్ మూవీ కన్ఫార్మ్.. ఫ్యాన్స్‌కి పండగే

0
2


ఇది మెగా ఫ్యాన్స్‌కి నిజంగానే పండగ లాంటి వార్త. మెగాస్టార్ చిరంజీవి, పవన్ కళ్యాణ్, రామ్ చరణ్, వరుణ్ సందేశ్, సాయి ధరమ్, అల్లు అర్జున్ ఇలా మెగా హీరోలందరూ ఇండస్ట్రీని ఏలుతున్నారు. ఒక్కొక్కరుగా వస్తేనే బాక్సాఫీస్ రికార్డులు షేక్ అయిపోతున్నాయి. అలాంటిది ఒకరి సినిమాలో మరొకరు కనిపిస్తే ఆ కిక్కే వేరు కదా.. ప్రీ రిలీజ్ ఫంక్షన్లప్పుడు కనిపించే ఆ మెగా దృశ్యం ఇప్పుడు వెండితెరపై ఆవిష్కృతం కాబోతుంది.

‘సైరా’ చిత్రాన్ని స్వయంగా నిర్మించిన తండ్రి కలను నిజం చేశాడు హీరో రామ్ చరణ్. ఈ సినిమా గాంధీ జయంతి సందర్భంగా విడుదలై బాక్సాఫీస్‌ వద్ద తిరుగులేని కలెక్షన్ల రాబడుతోంది. ఈ సినిమా విడుదల అనంతరం ప్రమోషన్స్‌కి వెళ్లిన చిరు, రామ్ చరణ్‌లకు ఎక్కువగా ఎదురౌతున్న ప్రశ్న.. మీ ఇద్దరూ కలిసి ఎప్పుడు నటిస్తారు అని. అయితే దీనిపై క్లారిటీ ఇచ్చారు మెగాస్టార్. మెగా ఫ్యాన్స్‌తో పాటు మూవీ లవర్స్ అందరి కోరిక త్వరలోనే తీర్చబోతున్నట్టు తీపికబురు చెప్పారు చిరు. అయితే ఏ సినిమా ఎప్పుడు అన్నదానిపై పూర్తి వివరాలను త్వరలో వెల్లడిస్తామన్నారు చిరు.

గతంలో రామ్ చరణ్ ‘మగధీర’, ‘బ్రూస్ లీ’ చిత్రాల్లో రామ్ చరణ్‌తో పాటు స్క్రీన్ షేర్ చేసుకున్నారు చిరంజీవి. అయితే అవి ఫుల్ లెంగ్త్ రోల్ కాకపోవడంతో ఈ ఇద్దరూ మల్టీస్టారర్ చేస్తే చూడాలన్నది మెగా ఫ్యాన్స్ కోరిక. ఈ కోరికను త్వరలో తీర్చబోతున్నారు ఈ మెగా హీరోలు.

మెగా అభిమానులు ఎన్నాళ్లగానో ఎదురుచూస్తున్న రామ్ చరణ్, చిరంజీవి మల్టీస్టారర్ మూవీపై ఫోకస్ పట్టారట మెగా ప్రొడ్యుసర్ చెర్రీ. ‘ఖైదీ నెం.150’తో నిర్మాణ రంగంలోకి అడుగుపెట్టి తొలి హిట్ అందుకున్న రామ్ చరణ్ ‘సైరా’ మరో బ్లాక్ బస్టర్ అందుకున్నారు. ఈ ఫ్లో కొనసాగించే ప్రయత్నంలో భాగంగా.. ఇటీవల ‘లూసిఫర్’ రీమేక్ హక్కులను సొంతం చేసుకున్నారు. మలయాళ సూపర్ స్టార్ మోహన్ లాల్ నటించిన ఈ చిత్రం అక్కడ బ్లాక్ బస్టర్ హిట్ అయ్యింది. యాక్షన్ థ్రిల్లర్‌గా రూపొందిన ఈ చిత్రానికి పృథ్వీరాజ్ దర్శకత్వం వహించడంతో పాటు ఆయనే కీలకపాత్రలో నటించారు. అయితే ఈ సినిమా మా రీమేక్ హక్కులను కొణిదెల ప్రొడక్షన్స్ కంపెనీ చేజిక్కించుకోవడంతో రామ్ చరణ్, చిరంజీవి నటించే మల్టీస్టారర్ మూవీ ఇదే అంటూ ఇండస్ట్రీ వర్గాల్లో ఆసక్తికరమైన చర్చ మొదలైంది. ఒకవేళ ఇదే నిజమైతే దర్శకుడు ఎవరన్నదానిపైనా చర్చలు మొదలయ్యాయి. ఖైదీ 150 చిత్రంతో మెగా హిట్ ఇచ్చిన వివి వినాయక్ అయితే బెటరా లేక.. ‘సైరా’తో తిరుగులేని హిట్ ఇచ్చిన సురేందర్ రెడ్డి అయితే బెటరా అన్న ఆలోచనలో ఉన్నారట ఈ మెగా మల్టీస్టారర్స్.



Source link

LEAVE A REPLY

Please enter your comment!
Please enter your name here