WhatsApp : పైలట్ కొంపముంచిన వాట్సాప్ మెసేజ్.. విమానం నుంచి దించివేత!

0
1


పైలట్ వాట్సాప్ గ్రూప్‌లో పెట్టిన ఓ మెసేజ్ విమానయాన సంస్థ అధికారులను పరుగులు పెట్టించింది. ఆ పైలట్‌ను విమానం నడపకుండా కిందికి దించేసేలా చేసింది. ఆ పైలట్‌కు అసలు విషయం ఏమిటో తెలియకపోవడంతో తొలుత గందరగోళానికి గురయ్యాడు. ఆ తర్వాత తాను చేసిన తప్పు తెలుసుకుని తలపట్టుకున్నాడు.

యూకేకు చెందిన ఈజీజెట్ విమాన పైలట్ ఇటీవల తన స్నేహితుల వాట్సాప్ గ్రూప్‌లో వ్యక్తిగత విషయాలను వెల్లడించాడు. ‘‘అందరితో కలవాలని, సహోద్యోగులతో స్నేహం చేయాలని కలలుగన్నాను. కానీ, బాల్యం నుంచి నాకు అది సాధ్యం కాలేదు. నాకు చచ్చిపోవాలని ఉంది’’ అని పేర్కొన్నాడు. అయితే, ఆ గ్రూప్‌లో ఉన్న ఓ స్నేహితుడు ఆ మెసేజ్‌ను ఈజీజెట్ అధికారులకు పంపాడు. దీంతో అధికారులు అప్రమత్తమయ్యారు.

Read also: విమానంపై పిడుగు.. 10వేల అడుగుల ఎత్తు నుంచి పడినా ఆమెకు ఏమీ కాలేదు!

అప్పటికే ఆ పైలట్ ఓ విమానాన్ని రన్‌వే‌ పైకి తీసుకెళ్లేందుకు సిద్ధంగా ఉన్నాడు. వెంటనే అతడిని విమానం నుంచి కిందికి దిగాలని ఆదేశించిన అధికారులు భవిష్యత్తులో అతడు ఎలాంటి విమానాన్ని నడపకుండా నిషేదం విధించారు. అయితే, కొన్ని వారాలపాటు అతడి మానసిక పరిస్థితిపై పరీక్షలు నిర్వహిస్తారు. అతడి వల్ల ఎలాంటి ఇబ్బంది ఉండదని నిర్ధరణకు వచ్చిన తర్వాతే ఆ నిషేదం ఎత్తివేస్తారు.

Read also: షాకింగ్.. విమానంలో ఆక్సిజన్ నిలిపేసి 238 ప్రయాణికుల హత్య?

ఈ ఘటనపై స్పందించిన పైలట్.. తనకు ఆతహత్య చేసుకోవాలనే ఉద్దేశం లేదని ఈజీజెట్‌కు వివరణ ఇచ్చాడు. 2015 మార్చిలో జర్మనీకి పైలట్ అండ్రియాస్ లుబిట్జ్ (27) 144 మంది ప్రయాణికులతో వెళ్తున్న విమానాన్ని కూల్చివేశాడు. మానసిక ఒత్తిడి వల్లే అతడు ఈ దారుణానికి పాల్పడ్డాడని తేలింది. దీంతో మళ్లీ అలాంటి ఘటనలు చోటుచేసుకోకుండా విమానయాన సంస్థలు పైలట్ల విషయంలో అప్రమత్తంగా ఉంటున్నాయి.

Read also: 35 ఏళ్ల తర్వాత.. 92 అస్థిపంజరాలతో ల్యాండైన విమానం!



Source link

LEAVE A REPLY

Please enter your comment!
Please enter your name here